Рэкамендуемы ўзрост: сярэдні, старшы дашкольны ўзрост
Маршрут руху:
Парк аг. Шашкі (Аб’ект № 3) – завяршэнне маршруту.
Мэта маршруту: фарміраваць уяўленні пра родны пасёлак, краіну – Рэспубліку Беларусь, славутасці малой радзімы. Выхоўваць эмацыянальна пазітыўнае стаўленне да Радзімы - месца, дзе нарадзіўся і жывуць родныя, да роднага пасёлка.
Экскурсія пачынаецца каля будынка дзіцячага сада, які знаходзіцца на вуліцы Цэнтральнай 12. Далей рух праходзіць уздоўж агарожды садка да пешаходнага перахода.
Па дарозе мэтазгодна пагуляць у гульню “Палічы, што бачыш” (дарослы і дзіця дамаўляюцца лічыць усё, што трапляецца на вочы аднаго колеру, або лічыць прадметы пэўнай катэгорыі. Напрыклад, людзей, або будынкі, транспарт. Або гульню “Адзін – многа” (адзін голуб – многа галубоў, адна машына – многа машын, адзін хлопчык – многа хлопчыкаў і г.д).
Апынуўшыся бліз пешаходнага пераходу нагадайце малому асноўныя правілы пешаходаў і дарожнага руху. Варта прапанаваць адгадаць пешаходныя загадкі або пагуляць у гульню “Трэці лішні”. Дарослы пералічвае віды транспарту, дзіця называе “лішні” па вызначанай прымеце, тлумачыць свой выбар. Хуткая дапамога, пажарная машына, аўтобус. (Аўтобус лішні, бо ён перавозіць людзей, а астатні транспарт – спецыяльны, неабходны ў надзвычайных сітуацыях).
Пераадолеўшы пешаходны пераход, рушым уздоўж дарогі 20 метраў. Справа ад нас знаходзіцца будынак мясцовага Дома культуры. Далейшы шлях ляжыць уздоўж парка па тратуары 120 метраў і рухаемся да скрыжавання дарог. Звяртаем увагу дзяцей на небяспечнае месца – скрыжаванне дарог: нельга пераходзіць дарогу ў гэтым месцы, а толькі па пешаходным пераходзе, які знаходзіцца каля сельскага выканаўчага камітэта. Але нам сення няма неабходнасці пераходзіць дарогу, таму паварочваем направа і рушым па тратуары ў заданым накірунку 130 метраў, затым паварочваем зноў направа і рухаемся па тратуарнай сцежцы ўглыб парку 30 метраў
і аказваемся акурат ля помніка воінам-землякам, загінуўшым у гады Вялікай айчыннай вайны.
Пасля экскурсіі можна прапанаваць дзіцяці адпачыць на лавачцы ў цені прыгожых дрэў, паразглядаць кветкі на прывабных клумбах.
Прапануйце дзіцяці ўшанаваць загінуўшых воінаў хвілінай маўчання, ціхенька пакласці да мемарыяла кветкі (калі прадугледзелі гэты момант пры падрыхтоўцы). Заклікаць дзіця ніколі не забывацца на тых, хто аддаў свае жыцці, каб вызваліць нашу Радзіму ад нямецкіх захопнікаў.
Мэтазгодна расказаць дзіцяці аб сваяках, якім давялося жыць і ваяваць у часы вайны.
Вельмі добра будзе развучыць нескладаны верш або прачытаць апавяданне на ваенную тэматыку, паслухаць песню або пагуляць у пальчыкавыя гульні.
Варта сумесна з дзіцем намаляваць малюнак або прапанаваць яму загадзя ўзятую з сабой тэматычную расфарбоўку, адлюстроўваючы ўражанні аб убачаным.
Вяртаючыся дадому неабходна пацікавіцца ў дзіцяці, што яму спадабалася, ці хацелася б наведаць яшчэ якое небудзь памятнае месца.
Вярнуўшыся дадому можна прапанаваць дзіцяці сумесна стварыць нескладаны выраб.
Добра зрабіць некалькі фотаздымкаў на памяць аб убачаным, папоўніць сямейны альбом уражаннямі ад сямейнага адпачынку
Жадаем Вам з карысцю правесці сумесны вольны час!
Помніце, што той хто не памятае мінулага не мае будучыні.