Перад вачыма альбом з фотаздымкі,  пажаўцелымі ад часу старонкамі... За кожным хаваецца гісторыя ўзнікнення і жыццядзейнасці нашага дзіцячага садка. У своеасаблівым летапісе сабраны ўспаміны супрацоўнікаў таго часу. З запісаў мы даведваемся аб святах і буднях калектыву, першых выхаванцах.

      Таму мы вырашылі  менавіта вуснамі сведкаў пазнаёміць вас, паважаныя сябры, з гісторыяй дзіцячага садка торфабрыкетнага завода "Неман".

Першыя выхаванцы садка

Яны пачыналі гісторыю садка

     Не гледзячы на тое,  што назва дзіцячага садка сёння іншая - дзяржаўная ўстанова адукацыі "Шашкоўскі дзіцячы сад",   установа працягвае пачатую справу. Пакоі поўняцца "шчабятаннем" новых выхаванцаў, на змену прыйшоў новы калектыў. Аднак у сэрцы кожнага з нас жыве пяшчота і гонар аб тых, хто першым прыйшоў сюды, рупліва і шчыра выконваў сваю справу.

    У 2011 годзе ДУА «Шашкоўскі дзіцячы сад» пераможца спаборніцтваў сярод устаноў адукацыі Стаўбцоўскага раёна ў раздзеле «За дасягненне высокіх паказчыкаў у развіцці адукацыі».

     З 2011 года выхаванцы ўстановы дашкольнай адукацыі прымаюць актыўны ўдзел у фестывалі-конкурсе работ даследчага характару дзяцей дашкольнага ўзросту і малодшых школьнікаў «Я – даследчык».                     На працягу трох гадоў (2013-2015) выхаванцы ўстановы прадстаўлялі раён на абласным этапе фестывалю-конкурсу.

    У 2013 годзе ДУА «Шашкоўскі дзіцячы сад» пераможца спаборніцтваў «За дасягненне высокіх паказчыкаў у развіцці адукацыі» сярод устаноў дашкольнай адукацыі раёна ў намінацыі «Лепшая дашкольная ўстанова, размешчаная ў сельскай мясцовасці».
     У 2014 годзе выхавальнік дашкольнай адукацыі Бізгень Л.В. стала пераможцам 2 этапу конкурсу «Настаўнік года Рэспублікі Беларусь» у намінацыі " Выхавальнік дашкольнай адукацыі».

   У 2015/2016 навучальным годзе ў раённым аглядзе-конкурсе на лепшую арганізацыю і пабудову прадметна-развіццёвага асяроддзя ва ўстановах дашкольнай адукацыі выхавальнікі групы інтэграванага навучання і выхавання ДУА «Шашкоўскі дзіцячы сад» Бизгень Л.В.,    Кутас Г. Б. занялі 1 месца.

    Штогод калектыў установы дашкольнай адукацыі (з 2013 года) прымае ўдзел у аглядзе-конкурсе «Бяспечнае дзяцінства». У 2016 годзе занялі 1 месца ў раённым этапе, а ў абласным – 2-ае месца, у 2019 - 2 месца ў раённым этапе.

    У 2017 годзе - 1 месца ў раённым этапе абласнога агляду-конкурсу на лепшае добраўпарадкаванне і азеляненне тэрыторый устаноў адукацыі ў намінацыі: «Тэрыторыя бяспекі».  

   
    У 2019 годзе - 2 месца ў раённым этапе абласнога агляду-конкурсу «Свет дзяцінства».