Кукарэку, певунок!
Кукарэку, певунок!
Пашый хлопцу кажушок,
Пашый штонікі з шаўкоў,
З залаценькіх паяскоў.
І пашыў ён, і надзеў,
І ў люстэрка паглядзеў.
Хадзіў певень па капусце,
Насіў сон у белай хусце,
Усім дзеткам прадаваў,
А Алёшку дарма даў.
Уладзіслава Луцэвіч
Ах ты, мая птушачка,
Ах ты, шчабятушачка!
Хораша ты пела,
Куды ж паляцела?
Гусачок
Го-го-го, гусачок
Го-го-го, гусачок,
Зрабі хлопчыку свісток.
З беласнежнага крыла
Ды з бляскучага пяры.
І зрабіў ён, і падаў,
І сыночак заіграў.