Свята Купалле
07.07.20237 ліпеня ў свята Купалле ў госці да выхаванцаў нашай установы дашкольнай адукацыі завітала Купалінка, якая расказала хлопчыкам і дзяўчынкам аб гісторыі ўзнікнення свята, яго традыцыях. Разам з ёю дзеці вадзілі хараводы, спявалі песні, сплялі прыгожыя вянкі з галінак папаратніку, бярозы і кветак, апусцілі вянкі ў імправізаваны ручай, пагулялі ў беларускія народныя гульні.
Традыцыйна свята завяршылася зборам лекавых зёлак на экалагічнай сцяжынцы ўстановы дашкольнай адукацыі і завязваннем сімвалічных чырвоных стужак- пажаданняў на дрэўца!