Тыдзень фінансавай граматнасці
24.03.2023У групе інтэграванага навучання і выхавання ад 4 да 6 гадоў былі праведзены заняткі па адукацыйнай галіне “Дзіця і грамадства “ на тэму “Грошы”, “Даходы і расходы сямейнага бюджэту”. Выхаванцы пабывалі ў мясцовай краме “Антонаўка-торг” і замацавалі веды аб прафесіі прадаўца. Пасля экскурсіі дзеці з асобым задавальненнем сталі гуляць у сюжэтна – ролевую гульню “Крама”.
Выхаванцы рознаўзроставай групы ад 2 да 4 гадоў праглядзелі развіваючыя мультфільмы “Муха – Цакатуха”, “Гісторыя ўзнікнення грошай”. Былі праведзены дыдактычныя гульні “Мы гуляем у краму”, “Прафесіі дарослых”.
Завяршыўся тыдзень квэст - гульнёй “Падарожжа ў краіну фінансавай граматнасці”. Дзеці выконвалі заданні з дапамогай інтэлект - карты, а ў канцы гульні дзеці знайшлі скарб і атрымалі салодкія пачастункі.
Выхаванцы праявілі высокую актыўнасць, вялікую цікавасць і паказалі добрыя веды ў галіне фінансавай граматнасці.
А бацькі ў Вайбер-групе пазнаёміліся з памяткамі "Што такое заробак і кішэнныя грошы", " У чым розніца паміж патрэбамі і жаданнямі?".