У гэты дзень у нашай установе дашкольнай адукацыі ўвесь дзень быў прысвечаны правядзенню мерапрыемстваў да гэтага свята. З самай раніцы на групавых пляцоўках дзіцячага сада гучала святочная музыка, якая стварала  атмасферу радасці. Ва ўсіх узроставых групах былі праведзены тэматычныя гутаркі “Што за свята – Дзень абароны дзяцей”, “Я будучае маёй краіны”.                    Дзеці на асфальце каляровымі крэйдамі намалявалі прыгожыя малюнкі, дзе можна было ўбачыць прыгажосць роднай прыроды, сваіх сяброў і сваіх родных. Усе малюнкі былі розныя, але аб’яднаны адной агульнай тэмай “Шчаслівае дзяцінства”.                                                                                                                 Заключным акордам у гэты дзень стала правядзенне музычнай забавы “Падары ўсмешку дзецям”. У пачатку мерапрыемства прагучаў гімн нашай краіны, а затым дзеці разгадалі цікавыя загадкі пра сімвалы Беларусі. Дзеці былі апрануты ў беларускія народныя   касцюмы , як сапраўдныя маленькія беларусы, спявалі прыгожыя песні і танцавалі танец з лыжкамі і стужкамі.

    Дзень прайшоў насычана і цікава, даставіў нашым выхаванцам шмат радасці, а значыць - прайшоў на ўра.