Няма нічога больш каштоўнага для кожнага бацькі, чым дабрабыт дзіцяці і яго бяспека. Сям'я для дзіцяці з'яўляецца першым інстытутам сацыялізацыі. Менавіта ў сям'і ён атрымлівае першыя навыкі зносін з навакольным светам, набывае правілы паводзін і нормы, устаноўленыя ў грамадстве. Адказнасць бацькоў за выхаванне і ўтрыманне дзяцей, замацавана ў нарматыўных прававых актах Рэспублікі Беларусь. Таму асноўная задача ўстановы адукацыі і сям'і - забеспячэнне бяспечных умоў знаходжання дзяцей і фарміраванне ў іх асноў бяспечных паводзін. 

    Падчас сходу пытанні бяспекі на дарозе агучыў інспектар ДПС АДАІ Стаўбцоўскага РАУС Болсун С. А. Сяргей Аляксандаравіч акцэнтаваў увагу бацькоў аб абавязковым выкарыстанні  святлозвяртальных элементаў у цёмны час сутак, захаванні правілаў перавозкі дзяцей у легкавым аўтамабілі.  

    Медыцынская сястра Сініцкая Н.А. напомніла  правілы аказання першай дапамогі і аб абавязковым захаванні ўсіх прафілактычных мерапрыемстваў.

    Загадчык Лукша Н.І. пазнаёміла бацькоў са зместам  нарматыўных дакументаў, асноўнымі напрамкамі дзейнасці ў летні аздараўленчы перыяд.