У першы дзень лета ўся наша краіна адзначае свята - Дзень абароны дзяцей. Мы, дарослыя, павінны абараняць правы і інтарэсы дзяцей, каб яны змаглі вырасці шчаслівымі і поўнымі сіл для новых дасягненняў.

     У гэты дзень у нашай установе дашкольнай адукацыі ўвесь дзень быў прысвечаны правядзенню мерапрыемстваў да гэтага свята. З самай раніцы на групавых пляцоўках дзіцячага сада гучала святочная музыка, якая стварала  атмасферу радасці.  Выхаванцы папрацавалі  на агародзе, у клумбах, паклапаціліся  аб раслінах, а таксама  з цікавасцю  пагулялі  ў рухомыя гульні, памалявалі крэйдай на асфальце, складвалі канструктары, назіралі  за навакольным асяроддзем.  Дзень прайшоў насычана і цікава, даставіў нашым выхаванцам шмат радасці, а значыць - прайшоў на ўра.