Зіма-раздолле для зімовых гульняў і забаў. Колькі весялосці, радасці і задавальнення дастаўляюць дзецям гульні ў сняжкі, катанне на санках, лыжах або каньках.
    Штогод зімой, пляцоўкі нашага дзіцячага сада ператвараюцца ў снежную казку. Дзецям вельмі падабаецца гуляць на зімовых пляцоўках, а з пабудовамі ўдвая цікавей.
    Снежныя пабудовы - не толькі зімовае ўпрыгожванне дзіцячых пляцовак, але і магутны педагагічны сродак, які разівае дзіцячую фантазію, дае новыя сюжэты для гульняў. Стварэнне снежных фігур-цікавы занятак, які дапамагае выхавальнікам рацыянальна арганізаваць час знаходжання выхаванцаў на свежым паветры, стварыць умовы для развіцця самастойнай гульнявой, мастацка-творчай і пазнавальнай дзейнасці, рухальнай актыўнасці.